ابنا: مصری حکومت نے دعویٰ کیا ہے کہ اخوان المسلمین کے کارکنوں نے ایک پولیس افسر کو یرغمال بنا کر فرار ہونے کی کوشش کی تاہم سیکورٹی فورسیز نے گاڑی پر فائرنگ کر دی جس میں 38 قیدی ہلاک ہو گئے۔ دوسری جانب اخوان المسلمین نے کہا ہے کہ ان کے 38 کارکنوں کو گولی مار کر ہلاک کر دیا گیا۔ادھر مصر کے مختلف شہروں سے اخوان المسلمین کے 42 رہنماوٴں کو گرفتار کرلیا گیا۔ اسلامی اتحاد نے سیکورٹی وجوہات کے پیش نظر قاہرہ میں حکومت مخالف ریلیوں کو منسوخ کرنے کا اعلان کیا ہے لیکن باقی شہروں میں ریلیاں جاری رہیں گی۔ مصر کے آرمی چیف عبدالفتاح سیسی نے ایک بار پھر معزول صدر مرسی کے حامیوں کو انتباہ دیاہے کہ مظاہرین سے سختی سے نمٹا جائیگا۔
قابل ذکر ہے کہ مصر کے کئی شہروں میں رات کے اوقات میں کرفیو کے نفاذ کا سلسلہ آج بھی جاری رہا۔ ادھر فرانس کے صدر فرانسوا اولانڈ نے مصر میں جلد از جلد عام انتخابات کرائے جانے کی ضرورت پر زور دیا ہے۔
.......
/169
